இன்போசிஸ்-இன் அன்போசிஸ்

கர்நாடகா மாநிலத்தில் ஏற்பட்டுள்ள புயல்-வெள்ள நிவாரணப் பணிகளில் அரசுடன் இன்போசிஸ் தன்னையும் ஈடு படுத்தியுள்ளது மிகவும் வரவேற்கத்தக்கது. இது மற்ற மாநிலங்களில் தொழில் துறையில் தங்களை வளர்த்து வரும் பெரும் நிறுவனங்களுக்கும் ஒரு பெரிய எடுத்துக் காட்டாக இருக்கும் என்றே தோன்றுகிறது. ஏதோ தொழில் ஆரம்பிச்சோமா அந்தந்த மாநில அரசாங்கம் கொடுக்கும் சலுகைகளை அனுபவித்தோமா லாபத்தை வாங்கி சுருட்டினமோ என்று போகாமல், அந்த மாநிலத்திற்கு ஏற்பட்டுள்ள ஒரு துயரத்தில் தங்களையும் பங்கு கொள்ள செய்ததன் மூலம் சாதரண மக்களுக்கும் தங்களுக்கும் இடைப்பட்ட தூரத்தை குறைத்துக் கொண்டதாகவே தெரிகிறது. அதிலும் சாப்ட்வேர் துறையில் உள்ளவர்கள் நோகாமல் பெரும் தொகை ஈட்டக்கொடியவர்கள் என்று எண்ணுபவர்கள் மத்தியில் இந்த மாதிரியான விஷயங்கள் மாற்றம் உண்டு பண்ணும் என்றே தோன்றுகிறது.

சமூக அக்கறை இல்லாத எந்த ஒரு சிந்தனையும் தேவையற்றது என்பதை எங்கோ படித்திருக்கிறேன். அது இந்த மாதிரியான நிறுவனங்களுக்கும் பொருந்தும் என்றே நினைக்கிறேன் .

Read more...

அமைதிக்கான நோபல்

ஒபாமா அமைதிக்கான நோபல் பரிசை பெறவிருக்கிறார். ஒபாமா அமெரிக்கா அதிபர் தேர்தலில் நிற்கும் ஒரு கறுப்பர் என்பது மட்டுமே எனககு தெரிந்திருந்தது. நண்பர் ஒருவர் அவரை பற்றி இன்டர்நெட் மூலம் தான் அறிந்த ஒபாமா பற்றிய தகவல்களை என்னுடன் பகிர்ந்து கொண்டது, ஒபாமா மீதான ஒரு ஈர்ப்பு ஏற்பட காரணமானது. வெள்ளைக்காரர்களின் ஆதிக்கத்தில் உள்ள அமெரிக்கா போன்ற ஒரு நாட்டில் வெள்ளையர் அல்லாத ஒருத்தர் முன்னேறுவது எவ்வளவு பெரிய சாதனை என்பது அமெரிக்காவிலிருக்கும் அனைவருக்கும் தெரியும். இங்கே சுதந்திரம் அதிகம் என்பது நமக்கு தெரியும், டி.வி. போன்ற வெகுஜன தொடர்பில் உள்ளவர்கள் கூட பகிரங்கமாக ஒரு கறுப்பர் நம்ம நாட்டிற்கு ஜனாதிபதி ஆவதை ஏற்கமுடியவில்லை என்று கூறும் நிலையில்லுள்ளது அமெரிக்கா. இந்த நாட்டின் சட்டங்கள் அனைவரும் பொது என்று சொன்னாலும், அதை ஏற்க மறுக்கும் கூட்டமும் இங்கே உண்டு. FOX NEWS CHANNEL அனேகமாக அனைத்து நிகழ்ச்சிகளிலும் ஒபாமாவை நேரிடையாகவோ, மறைமுகமாவோ தாக்குவது என்பது சகஜம். இந்த டி.வி.-இல் வந்த GLEN BECK தனது நிகழ்ச்சியில் பகிரங்கமாக "ஒபாமா ஒரு நிறவெறி கொண்டவர். அவருக்கு வெள்ளையர்களின் கலாச்சாரம் (!) தெரியாது ." என்று பகிரங்கமாக சொன்னவர். இது மிகப் பெரிய சர்ச்சை குட்பட்டதால் அவர் அந்த நிறுவனத்தாலேயே வேலை நீக்கம் செய்யும் படி ஆகி விட்டது. இதை எதற்காக சொல்கிறேன் என்றால் அனைவரும் சமம் என்ற கோஷம் அமெரிக்காவில் இருந்தாலும் இங்குள்ள மற்ற இனத்தவர்கள், குறிப்பாக அரசியல் வாழ்க்கையில் உள்ளவர்கள், எந்த மாதிரியான விஷயங்களை எல்லாம் கடந்து வர வேண்டியிருக்கிறது என்ற நிலையை சுட்டிக்காட்டவே.
இன்று காலை இந்த செய்தி கிடைத்தவுடன் எல்லா சேனலும் முக்கிய செய்தியாக இதை சொல்லிக் கொண்டிருந்தாலும், FOX NEWS CHANNEL இந்த விருது எப்படி ஒபாமாவிற்கு கிடைத்தது..? இவர் பதவியேற்று இன்னும் ஒரு வருடம் கூட முழுதாக முடியாத நிலையில், இவருக்கு எப்படி அமைதிக்கான நோபல் பரிசை கொடுக்கலாம்..? என்றெல்லாம் கேள்வி கணைகள் தொடுக்க ஆரம்பித்து விட்டது. இங்கிலாந்திலுள்ள ஒரு கடை வீதியில் ஒரு வெள்ளைக் கார முதியவரிடம் "ஒபாமாவிற்கு அமைதிக்கான நோபல் பரிசு கிடைத்துள்ளதே...?" என்று கேட்டவுடன் அந்த முதியவர் "அப்படியா..? ஆச்சர்யம் தான்..ஆனால் அவர் என்ன செய்தார் எதற்கு இந்த விருது..?" என்ற கேள்வியுடன் முடித்தார்.
சரி ஒபாமா என்னதான் பண்ணிவிட்டார்..? எதற்காக இந்த விருது..? அவர் தனது தேர்தல் அறிக்கையில் சொல்லி இருந்தவாறு ஈராக்கிலுள்ள அமெரிக்க படைகளின் எண்ணிக்கையை குறைக்கவும், அதே சமயம் பின்லேடன் பதுங்கி இருப்பதாக கருதப்படும் ஆப்கானிஸ்தான், பாகிஸ்தான் எல்லையில் அமெரிக்க துருப்புகளை அதிகமாக்கி வருகிறார். ஈரானுடன் பேச்சு வார்த்தைக்கு தயார் என்று அறிவித்த முதல் அமெரிக்க அதிபர் ஒபாமா. அனேகமாக எல்லா சுதந்திரக் கட்சி (REPUBLIC PARTY) உறுப்பினர்களும், ஈரானுடன் போர் என்றே சொல்லி வந்தார்கள், சொல்லி வருகிறார்கள். நாடுள்ள நிலையில் இன்னொரு போரை தாங்காது என்று ஆணித்தரமாக தேர்தலுக்கு முன்பிருந்தே சொல்லி வந்தவர், வருபவர் ஒபாமா. பாலஸ்தீன், இஸ்ரேல் விவாகரத்தில் இவர் பேச்சு வார்த்தையின் மூலமே தீர்வு காண வலியுறுத்தியதாகவும், அதுவும் ஒரு காரணமாகும் என விருது பரிந்துரை கமிட்டி சொல்லி இருந்தது. எனககு தெரிந்து பாலஸ்தீன் இஸ்ரேல் விவாகரத்தில் இவரது நிலைப்பாடு என்ன என்பதை இன்னும் தெளிவாக சொல்லவில்லை என்றே தோன்றுகிறது. ஏனெனில் அமெரிக்காவில் இஸ்ரேலுக்கு எதிரான நிலைப்பாட்டினை எடுப்பதென்பது அவ்வளவு சுலபமில்லை. இதற்கு காரணம் அமெரிக்காவின் முக்கிய முடிவு எடுக்கும் எல்லா நிலையிலும் யூதர்கள் வியாப்பித்து இருப்பது தான்.
அதே மாதிரி சர்வதேச அணு ஆயுத பரவலை தடுத்திட பாடு பட்டதாகவும் கமிட்டி சொல்லி இருப்பதாக படித்தேன். இதுவும் எந்த அளவிற்கு உண்மை என்று தெரியவில்லை. ஏனெனில் இவர் சொல்லிவரும் இதே மாதிரியான கருத்துக்களை. இதற்கு முன்பிருந்தவர்களும் சொல்லி வந்திருக்கிறார்கள். சிறப்பாக சொல்லும்படியாக எதுவும் நடவடிக்கை எடுத்ததாக நான் அறியவில்லை.
ஆனால் இந்த விஷயங்களை எல்லாம் விடவும் அவருக்கு இந்த அமைதிக்கான நோபல் பரிசு கிடைக்க காரணமாக இருப்பதாக நான் நினைப்பது, மேற்சொன்ன பிரச்சனைகளில் அவரது காந்தீய எண்ணங்களை நோக்கிய நகர்வாகும். ஒபாமா தன்னை ஒரு காந்தியின் தீவிர ஆதரவாளராகவே காட்டி கொண்டுள்ளார், எனககு தெரிந்து இரண்டு முறை இவர் இவ்வாறு நடந்து கொண்டார். ஒரு முறை "நீங்கள் யாருடன் டின்னெர் சாப்பிட விரும்புகுறீர்கள்..?" என்ற கேள்விக்கு. "திரு. காந்தி " என்று சொன்னார். மற்றொன்று இந்த மாதம் கொண்டாடப்பட்ட 'காந்தி பிறந்த நாள்' கொண்டாட்ட செய்தியாக "காந்தியின் கொள்கைகள் உலகில் உள்ள அனைத்து நாட்டினரானாலும் கடை பிடிக்க வேண்டியது இந்த கால கட்டத்தில் அவசியமாகிறது " என்று சொன்னார். எனககு தெரிந்து காந்தி பிறந்த நாளுக்கு சிறப்பு உரையாற்றிய முதல் அமெரிக்க ஜனாதிபதி ஒபாமாவகத்தான் இருக்கும்.
ஒபாமாவிற்கு காந்தி பிறந்த தேசத்தின் மக்களின் வாழ்த்துக்கள்.

Read more...

தீர்ப்பு உங்களுடையது

(இங்கே கொடுக்கப்பட்டுள்ள தகவல்களுக்கான பதில் அல்லது தீர்ப்பு முழுக்க முழுக்க உங்களுடையது)
திரையுலகினர் நடத்திய கண்டன கூட்டத்தில் ரஜினி சொல்லியது...
"..தயவு செய்து பத்திரிக்கையாளர்கள் இனிமேல் விபச்சாரம் செய்பவர்களது போட்டோவை போடாதீர்கள். அவுங்க என்ன சுகத்துக்காகவா அப்படி நடந்துக்குறாங்க..? ரெண்டு வேலை சோத்துக்காக . அப்படி போட்டோ போடும் பட்சத்தில் அதில் ஈடுபட்ட ஆண்களின் படத்தையும் போடணும். அதுக்கு தைரியம் இருக்கா...? "

விண் டி.வி உரிமையாளர் தேவநாதன் சொல்லியது...
".. கள்ளச்சாராயம், ரவுடித்தனம் போன்றவை கூட ரெண்டு வேலை சோத்துக்காகத்தான் அதுக்காக அவுங்க படத்தையும் போடாமல் விட்டுறலாமா?"

பார்க்கர் (தாவு ஹீத் அமைப்பு தலைவர்) சொல்லியது ....
"..தினமலர் செய்தி ஆசிரியரை பெண்கொடுமை சட்டத்தில் கைது செய்தவர்கள் முதலில் ஜெயலலிதாவை "திருமதி" என்று அழைக்கும் முதல்வர் மீது தானே நடவடிக்கை எடுக்க வேண்டும்..?"

தி.மு.க தலைவர் கலைஞர் கருணாநிதி சொல்லியது..
"..இதுவரை எனககு அள்ளிக்கப்பட்ட தங்கமோ வெள்ளி நகையோ அவற்றை கலைஞர் கருவூலம் வசம் ஒப்படைத்துள்ளேன். அதே மாதிரி திமுக-வை சேர்ந்த மற்றவர்களுக்கும் அவரவர்களுக்கு அளிக்கப்பட்ட பரிசுகளை அந்தந்த மாவட்ட செயலாளர்கள் மூலமாகவோ அல்லது அழகிரி மூலமாகவோ கலைஞர் கருவூலம் வசம் ஒப்படைக்க வேண்டும்..."

கோவை குண்டு வெடிப்பில் கைதாகி சிறையிலிருக்கும் பாஷா சொல்லியது..
".. கோவை குண்டு வெடிப்பில் தண்டனை பெற்றுள்ள என்னை போன்றவர்கள் அமைதி வழி தீர்வு காண துடிக்கும் பொழுது , வன்முறைக்கு காரணமானவர்களை கொள்வதில் தவறில்லை என்ற பொருள்பட கமல் உன்னைப்போல் ஒருவன் என்ற படத்தை எடுத்திருப்பதன் மூலம் சட்டத்தை தன் கையில் எடுத்து கொண்டுவிட்டார். தைரியமிருந்தால் உண்மையிலேயே வன்முறைக்கு காரணமானவர்களை நேரடியாக சாடி படம் எடுக்கும் தைரியம் கமலுக்குண்டா...?"

Read more...

தினமலர் vs தினகரன்

நகைச்சுவை நடிகர் சிங்கமுத்து சொல்வது போல் "இவங்க இப்பவுமே இப்படித்தான் பாஸ். இதுக்கெல்லாம் பயந்தா தொழில் பண்ணமுடியுமா..?" என்ற ரேஞ்சுக்குதான் பத்திரிகை உலகமும், நடிகர்களும் நடந்து கொண்டுள்ளனர். மக்களை பற்றி யாருமே கவலை படுவதில்லை. சில தினங்களுக்கு முன் நாம் சொன்ன ("பத்திரிகை சுதந்திரம் --ஒரு பயவுரை" )
மாதிரி யார் கேட்டு ஒரு நடிகையின் அந்தரங்க விஷயங்களை அவரிடமே துருவி துருவி கேட்டு அதை செய்தியாக போட துணிகிறார்கள் இந்த பத்திரிக்கை யாளர்கள்..? அதை கொஞ்சம் கூட பயமோ, கூச்சமோ இன்றி பகிர்ந்து கொள்ள நினைக்கும் இந்த நடிகைகளை என்ன வென்று சொல்வது...? ஒரு விதத்தில் பார்த்தால் இது ரெண்டு பேருக்கும் தேவை தான்.
நடிகர் சங்கம் ஒரு கூட்டம் போடுகிறதென்றால் முதலில் கலங்குவது ரஜினியும்,கமலுமாகத்தான் இருக்ககூடும். எப்ப பாரு இவங்க ரெண்டு பேரையும் இழுக்காமல் இருப்பதில்லை. ஆனால் இந்த கூட்டத்தில் கமல் கலந்து கொள்ள வில்லை. ஒரு வேலை அவருடன் சிம்ரன் இணைத்து பேச பட்ட பொழுது யாரும் அவருக்காக குரல் கொடுக்காததாக கூட இருக்கலாம். வடிவேலு கூட இந்த கூட்டத்தில் கலந்து கொண்டதாக எங்கும் படிக்க வில்லை பார்க்க வில்லை. விஜய், அஜீத், சிம்பு ன்னு ஒரு பெரிய பட்டியல் இந்த கூட்டத்துல கலந்துக்கல. ஒரு வேலை இவங்களும் கமல் மாதிரி பாதிக்கப்பட்டவுங்கலான்னு தெரியலை. சரி நம்ம விஷயத்துக்கு வருவோம் அந்த பத்திரிகை தான் உங்களை கேவலமாக எழுதியது அதற்கான தண்டனையும் அந்த செய்தி ஆசிரியரை அடைந்துள்ளது. ஆனால் நீங்களும் அதே மாதிரி இல்லை அதை விட கேவலமாக பேசி இருக்கிறீர்களே இதை எப்படி எடுத்துக் கொள்வது...? இல்லை இதற்கும் தண்டனை தரப் படலாமா..?
சரி இதற்கு முன் இப்படி நடந்ததே கிடையாதா...? ஒரு நடிகையின் பேட்டியில் "இந்த கிசு கிசு ரொம்ப முக்கியம், எங்களை போல் வளரவங்களுக்கு, என்னை பத்தி வர்ற கிசு கிசுவை நான் படிப்பேன் சிரிச்சுக்குவேன் !!!" அப்படின்னு ஒப்புதல் வாக்கு மூலம் கொடுக்காதவங்க யாரு சொல்லுங்க. பிள்ளையையும் கிள்ளி விட்டுட்டு தொட்டிலையும் ஆட்டுவது நியாயமா..? இல்லை கவர்ச்சியாகவோ ஆபாசத்தை தூண்டும் வகையிலோ நான் நடிக்க மாட்டேன்னு சொல்ற தைரியம் எத்தனை நடிகைகளுக்கு இருக்கு...? அதுக்காக அப்படி எழுதலாமா...? அப்படின்னு கேட்டால் . அது நாங்க தப்பு செய்வோம் நீங்க யாரும் அதை கண்டுக்க கூடாதுன்னு சொல்ற மாதிரிதான்.
இது எல்லாத்தையும் விட முக்கியம் அரசு இந்த விஷயத்தில் காட்டும் ஆர்வம், "தினமலர்" சில காலம் முன் தி.மு.க எதிர்ப்பு நிலையே கடைப்பிடித்து வந்தது, தி.மு.க தலைமைக்கும் சன் டி.வி.க்கும் முட்டிக்கொண்டவுடன் அதிகாரத்திற்கு பக்கத்தில் நகர்ந்தது (உபயம்: அஞ்ச நெஞ்சர்). அதற்கும் முன்பே "தினமலர்" "தினகரன்" இடையிலான தொழில் போட்டி எல்லை மீறி தனிப்பட்ட தாக்குதலாக மாறிப் போனது, உதாரணம் தினமலரின் உதவி ஆசிரியர் (ஆசிரியரின் மகன்) ஒரு பெண்ணை மான பங்கம் செய்ய முயற்சி செய்தமைக்காக கைது செய்ய பட்டது எல்லாம் தினகரனில் பக்கம் பக்கமாக வந்தது நாம் அறிந்ததே. தி.மு.க வுக்கும் அந்த சமயத்தில் ஒரு தினசரி ஆதரவு தேவை பட்டது (முரசொலி ஒரு கட்சி பத்திரிக்கை எனவே அது தவிர்த்து ஒரு ஆதரவை தேடியது), 'தினமலர்' நிறுவனர் நூற்றாண்டு விழாவில் கலந்து கொண்டார் கலைஞர், தி.மு.க எதிர்ப்பு நிலையை கொஞ்சம் கொஞ்சமாக மாற்றி கொண்டது. பதிலாக அரசு விளம்பரங்கள் சிலவற்றையும் பெற்றது "தினமலர்". இந்த சந்தோசம் நீண்ட நாள் நிலைக்க வில்லை பிரிந்தவர்கள் ஒன்று கூடினார்கள் இல்லை ஒப்பந்தம் நீடிக்க வழி செய்யப்பட்டது. எது எப்படியோ "தினமலர்" பாதிப்புக்குள்ளானது. "தினமலர்" அழகிரி செய்திகளை பிரதானமாக போடுவதும், "தினகரன்" ஸ்டாலின் செய்திகளை பிரதானமாக போடுவதையும் நாம் அன்றாடம் காணலாம். தி.மு.க தலைமையை பொறுத்த வரை ஒரே கல்லில் மூணு மாங்கா, நீங்க கேட்கலாம் யாரு அந்த மூணாவது மாங்கான்னு வேற யாரு நாமதான். "தினகரன்" "தினமலரை" போட்டு தள்ள நேரம் பார்த்துக்கிட்டே இருந்தது, அந்த நேரமும் வந்துச்சு உபயோக படுத்திகிடுச்சு, அப்படின்னுதான் தோனுது. நடப்பதை எல்லாம் பார்த்தா இந்த நடிகைகள் பிரச்சனையிலும் "தினகரனின்" கை சற்றே ஓங்கி இருக்குதோன்னு தோனுது. மொத்தத்தில் இது தினகரன் Vs தினமலர் சண்டை காட்சிகளே தவிர நமெக்கெல்லாம் சொல்லப்படுற மாதிரி தினமலர் Vs திரையுலகம் அல்ல.  

Read more...

ராமதாசு ஒரு காமெடி பீசு..!

வடிவேலு ஒரு படத்தில் தனது நண்பர்களை சற்று தொலைவில் நிற்க வைத்து விட்டு 'பலம்' வாய்ந்த எதிரியை சந்திக்க போவார், அங்கு அவர் எதிரியுடன் பேசும் போது அவருக்கு சாதகமான விஷயங்களை சத்தமாக தன் நண்பர்களுக்கு கேட்கும் படியாகவும், மற்றதை மெதுவாகவும் சொல்லி பேசுவார். அது தான் தோன்றியது பா.ம.க நிறுவனர் ராமதாசின் இன்றைய அறிக்கையை பார்க்கும் போது. அதே சிந்தனையோடு கீழ் காணும் அறிக்கையை படியுங்கள், அடைப்பு குறிக்குள் உள்ள விஷயங்கள் ராமதாஸ் மனசாட்சி வடிவேலு பாணியில் பேசி இருப்பதன் பதிவு..

"தமிழ்நாட்டில் 1967 முதல் அரசியல் கட்சிகளிடையே கூட்டணி உருவாக்கப்பட்டுள்ளது. இன்றுவரை கட்சிகள் கூட்டணி அமைத்துதான் தேர்தலை சந்திக்கின்றன.ஒரு தேர்தலில் ஒரு கட்சியோடு கூட்டணி அமைத்த கட்சி மறுதேர்தலில் இன்னொரு கட்சியோடு கூட்டணி அமைக்கும் காட்சிகள் நடந்துள்ளன. பாமக அந்த வகையில்தான் கூட்டணி அமைத்து தேர்தல் களத்தை சந்தித்து வந்துள்ளது."

(தைரிய மிருந்தா எங்களை போல எல்லோரும் கூட்டணியை விட்டு வெளில வாங்க..அப்பத்தானே யார் கூடவவாது நாங்க கூட்டணி சேர முடியும். அப்படி ஒத்துக்குங்க உங்க யாருக்கும் எங்களை போல் தைரியம் இல்லைன்னு..!)

ஆனால் நாங்கள் உட்கட்சி தேர்தல் குறித்து ஆலோசனை நடத்த நிர்வாககுழு கூட்டத்தை கூட்டினோம். அதில் பங்கேற்ற பலரும் அதிமுக கூட்டணியில் சுயமரியாதைக்கு இழுக்கு ஏற்படும் நிலையில் தொடரக்கூடாது என்று நிர்பந்தித்தனர்.

(சுயமரியாதை ... இந்த ஒரு வார்த்தை மட்டும் இல்லன்னா நம்ம கதியை நினைச்சு பார்க்கவே பயமா இருக்கே. )

ஆனால் முதல்வர் கருணாநிதி யை சந்திக்க விரும்பினால் 2 நிமிடத்திலும், பிரதமரை சந்திக்க விரும்பினால் 10 நிமிடத்திலும் பார்த்து விடலாம். ஆனால் ஜெயலலிதாவை மட்டும் சந்திக்கவே முடியாது..

(காசு கேட்டா கொடுக்குறாங்களா ...? எப்ப பாரு கொடநாடு போறேன் கொக்குநாடு போறேன்னு போய்டுறாங்க. )

அப்போது எங்களது கொள்கையோடு திமுகவின் கொள்கை ஒத்துப் போனதால் அதிமுகவை விட்டு விலகி திமுக கூட்டணியில் சேர்ந்தோம். அதன் பின்பு திமுக தலைவர் எங்களை போயஸ் தோட்டத்துக்கு தள்ளிவிட்டார்.

(பாத்துக்குங்க நாங்க 'சுயமரியாதை' காரவுங்க நாங்களா அதிமுக கூட்டணிக்கு போகலை தி.மு.க தான் தள்ளி விட்டது... சு ..அப்பா இப்பவே கண்ணை கட்டுதே)

இப்போது அதிமுக கூட்டணியில் இருந்தும் விலகிவிட்டோம். இனிவரும் தேர்தலில் அனைத்து கட்சிகளும் தனித்தனியாக தேர்தலை சந்தித்தால் நாங்களும் தேர்தலில் தனித்து போட்டியிவோம். அல்லது தேர்தல் நேரத்தில் கூட்டணி பற்றி முடிவு செய்வோம். இல்லையேல் 3வது அணியை அமைக்க நடவடிக்கை எடுப்போம்.

(திடீர்ன்னு ஒரு நிருபர் தெளிவா ஒரு முடிவை சொல்லுங்க அப்படின்னு கேட்டவுடன் டென்ஷன் ஆகி... "யாராது ராஸ்கல் கட்சி நடத்துறது என்ன அவ்வளவு சுளுவா..? நானே ஒன்னும் புரியாமத்தானே பேசிக்கிட்டு இருக்கேன்.சும்மா சும்மா. இனிமே யாரையும் பிரஸ் மீட்டுக்கு கூப்பிட போறதில்லை." )

Read more...