நீயா நானா யார் குற்றவாளி..?

Katie Couric -- அமெரிக்காவின் CBS சேனலில் பணிபுரிந்து வரும் மிகவும் புகழ் பெற்ற நிருபர். சமீபத்தில் ஒரு நேரடி பேட்டிக்காக ஈரானிய அதிபர் Ahamadinejad அவர்களை சந்தித்தார்பொதுவாகவே அமெரிக்காவின் ஊடகங்கள் மற்ற நாட்டின் தலைவர்களை அவ்வளவாக புகழ்வதில்லை (விதிவிலக்கு இஸ்ரேல் தலைவர்களுக்குண்டு அதற்கான காரணம் நாமறிந்ததே). சமீப காலமாக அமெரிக்கா கண்ணை உறுத்தி வரும் நாடு ஈரான் தான். அனேகமாக அமெரிக்காவின் பொருளாதாரம் சிறப்பாக இருந்திருக்கும் பட்சத்தில் இந்த நாட்டின் மீது படை எடுக்கவும் அமெரிக்கா தயங்கி இருக்காது என்பது ஊடகங்களை உன்னிப்பாக கவனிப்பவர்களின் கணிப்பு. தினசரி செய்திகளில் இந்த நாட்டின் தலைமை மிக வெகுவாக விமர்சிக்கப்படுவதுண்டு. சமீபத்தில் நடந்த இந்த நாட்டின் தேர்தல் கலவரங்கள் கூட அமெரிக்கா ஊடகங்களால் வெகுவாக காண்பிக்கபட்டதும், விமர்சிக்கப்பட்டதும் நாம் அறிந்ததே.

முதலில் சொன்ன அந்த சந்திப்பின் போது நடந்த ஒரு சுவாரஸ்ய நிகழ்வு,

Katie Couric ஒரு புகைப்படம் ஒன்றை காண்பித்து, "இந்த படத்தில் உள்ள பெண் ஈரானிய பாதுகாப்பு படையினரால் அடித்து கொல்லப்பட்டிருக்கிறார். இந்த நிகழ்வு குறித்து உங்கள் கருத்து என்ன..? " என்று கேட்டவுடன், Ahmadinejad (இந்த பெயரை தமிழில் தட்டச்சு செய்து படித்தால் ஒரு மாதிரியாக இருந்தது எனவே தான் ஆங்கிலத்திலேயே கொடுக்கப்பட்டுள்ளது) சொன்னாராம் "நிச்சயம் வருத்தமளிக்க கூடிய ஒரு விஷயம்தான்.இறந்தவரின் குடும்பத்திற்கு என்னுடைய ஆழ்ந்த அனுதாபாங்கள். என்னிடம் உள்ள இந்த புகை படத்தையும் பாருங்கள்." என்று ஒரு புகை படத்தை நீட்டியிருக்கிறார் "இந்த புகை படம் பற்றி உங்களுக்கு ஏதும் தெரியுமா..?" என்று கேட்டவுடன், நிருபர் சொல்லி இருக்கிறார் "எனககு தெரியாது என்று." ஈரான் அதிபர் சிரித்துக் கொண்டே "இவர் பெயர் Marwa ali இவர் ஜெர்மன் நீதி மன்றத்தால் அடித்து துன்புறுத்தப்பட்டு கொல்லப்பட்டார், ஈரானில் கொல்லப்பட்ட அந்த பெண்ணின் படம் காண்பிக்கப்பட்ட அளவிற்கு இந்த பெண்ணின் படம் மேற்கத்திய ஊடகங்களில் ஏன் காண்பிக்கப்படவில்லை..? "

இதில் யார் புத்திசாலி என்பதற்காக நாம் இதை சொல்ல வரவில்லை. பதிலாக ஒரு பக்கம் பொறுப்பற்ற தனமாக பேசும் ஒரு அதிபர், மறுபுறம் நடந்த செய்தியை மக்களிடம் கொண்டு சேர்க்காமல் மறைக்கும் ஊடகம், பொதுமக்களை பொறுத்தவரை இரண்டுமே குற்றம்தான்.

Read more...

அஹிம்சாவிற்கு அங்கீகாரம்

காந்திய கொள்கைகள் நம்ம நாட்டுக்கு ஒத்து வராது என்று இந்தியாவில் ஒக்காந்துகிட்ட வியாக்கியானம் பேசுபவர்களே ஒரு கணம் இங்கே கவனியுங்க அமெரிக்காவின் மிகப் பெரிய நிறுவனங்களில் ஒன்றான கூகுள் காந்தி ஜெயந்திக்கு தரும் மரியாதையை பாருங்க. அமெரிக்க ஜனாதிபதி ஒபமாவும் "காந்திய வழிகளை பின்பற்றுவதில் அமெரிக்கா பெருமிதம் கொள்கிறது " அப்படின்னு பேசி இருக்கிறார். இத்தனைக்கும் காந்திக்கும் அமெரிக்காவிற்கும் என்ன தொடர்பு ..? இது காந்தி என்ற தனி மனிதனுக்கு கிடைக்கும் அங்கீகாரம் என்பதை விட அவர் கொண்டிருந்த அஹிம்சா கொள்கைக்கும், உண்மைக்கும் கிடைத்த அங்கீகாரமாவே நான் நினைக்கிறேன்.

நீங்க கேட்கலாம் அமெரிக்கா என்ன காந்தீய வழியையா பின் பற்றுகிறது அப்படின்னு. இதற்கு முன் இருந்த புஷ் (தற்பொழுது அமெரிக்கா மேற்கொண்டிருக்கும் அனைத்து போர்களையும் தொடங்கி வைத்த பெருமகனார், இதில் சீனியர் புஷும் அடக்கம்) காந்தீய கொள்கைகளில் ஈடுபாடு கொண்டவராக தன்னை காட்டிக்கொண்டதாக எனககு தெரிந்த வரையில் இல்லை. அப்படி அவர் சொல்லிவிட்டு போரையும் செய்திருந்தால் அது நீங்க கேட்கிற கேள்விக்கு சாதகமான பதிலை தரலாம். ஆனால் ஒடுக்கப்பட்ட இனத்திலிருந்து வந்த முதல் ஜனாதிபதியான ஒபாமாவிற்கு இந்த கேள்வி பொருந்தாது என்றே எனககு தோன்றுகிறது.

Read more...

பாரதியும் சாதீயும்

பாரதி என்று சொன்னவுடன் ஞாபகத்திற்கு வருவது தமிழ்,கவிதை,பெண்ணடிமை, சுதந்திரம் இவற்றின் கூட சாதி எதிர்ப்பும். சமீபத்தில் நான் படித்த ஒரு வலைப்பதிவில் பாரதி தன் கவிதைகளில் இந்து மத வெறியையும், சாதி வெறியையும் புகுத்தி இருந்தார் என்றும் அவர் ஒரு பிரமாணர் என்பதாலேயே இந்த முன்னுரிமை என்றும் ஒருவர் எழுதியிருந்தார், பேசியும் இருந்தார் (ஒளி காட்சியும்) இருந்தது. எனககு இது முதல் அனுபவம் முண்டாசு கவிஞனின் முதுகிலும் சாதி முத்திரையா..? எப்படி பாரதி மீது இப்படி ஒரு அவச்சொல் வந்தது...? இதை எப்படி ஏற்றுக்கொள்வது...? எல்லா மனிதர்கள் மீதும் சாதியின் நிழலாவது படிந்துள்ளது, ஆனால் அதை காரணமாக வைத்து எப்படி அவர்கள் அந்த சாதியின் பிரதிநிதிகளாகவே பார்க்கப்படுகிறார்கள் ..? இது முற்றிலும் தவறானது. இதே மாதிரிதான் கட்டபொம்மன்,சிதம்பரனார், இன்னும் பலரும் தலைமுறையின் சாதி தீனிக்கு பலியானார்கள் என்பதை முன்பே சொல்லி இருக்கிறோம். இருந்தாலும் "சாதிகள் இல்லையடி பாப்பா..." என்ற பாடலை எழுதிய பாரதியையே அந்த கூண்டில் ஏற்றுவார்கள் என்பதை கனவிலும் ஏற்கமுடியவில்லை. இந்த மாதிரியான சிந்தனைகள் பெரும் விளைவை ஏற்படுத்தும் என்பதில் சந்தேகம் இல்லை. பாரதியையும் சாகா வாரம் பெற்ற சாதி என்ற தீ கொண்டு தயவு செய்து யாரும் சுடாதீர்கள்.

Read more...

அழகில் ஆபத்து..

படித்தவுடன் ஒரு நிமிடம் உறைந்து போனேன், "வல்லவனுக்கு புல்லும் ஆயுதம்" என்ற பழமொழி பொதுவாக வலுவிழந்தவர்கள் வாழ்க்கையில் முன்னேறுவதற்காக சொல்லியது ஆனால் அது இங்கே தீவிரவாதத்தை எப்படி ஒடுக்க நினைத்தாலும் அவர்கள் எப்படி எல்லாம் வெ(டி)குண்டேழுந்து வருகிறார்கள் என்பதை குறிக்கும் வண்ணம் அமைந்தால் ஒரு வித பயம் தானே மிஞ்சுகிறது..? சமீபத்தில் நியூயார்க் நகரில் ஒரு ஆப்கானிஸ்தான் இளைஞர் ஒருவர் தீவிரவாத செயல்களில் ஈடுபட தாயாரக இருந்த நிலையில் கைது செய்யப்பட்டார், செப்டம்பர்-11 க்கு பிறகு நியூயார்க் பாதுகாப்பு விஷயத்தில் ரொம்பவே கெடுபிடி, அப்படி இருக்கும் போது இது எப்படி சாத்தியம்..?
ஒரு நான்கைந்து பேர் தனித்தனியாக கடைகளில் விரல்களின் அழகுக்காக போடப்படும் நைல் பாலிஷ் (nail polish) நீக்குவதற்கான ரசாயன பூச்சை வாங்கி இருக்கிறார்கள், இத்துடன் ஹைட்ரஜன் பெரோக்ஸ்யடே (hydrogen peroxide) கொண்ட தலை முடிக்கான சாயம் இவற்றுடன் கலந்து வெடிகுண்டு தயாரிக்க முயற்சித்து இருக்கிறார்கள். இது சாத்தியம் தான் என்பதையும் அமெரிக்காவின் புலனாய்வு துறை உறுதி செய்துள்ளது. அழகு சாதனத்தை கொண்டு நகர அழகை குலைக்க நினைத்தவர்களை என்னவென்று சொல்வது...?

Read more...

பத்திரிகை சுதந்திரம் -- ஒரு பயவுரை

கேள்வி: ஹனிமூன் டிரிப் எப்படி இருந்தது? எங்கே போய் இருந்தீர்கள்?
பதில்: ''ப்ளீஸ் வேண்டாமே. இது பர்சனல் விஷயமாயிற்றே.
கேள்வி: குறைந்தபட்சம் எந்த நாட்டிற்குச் சென்றீர்கள் என்று கூடவா சொல்லக் கூடாது?
பதில்: ''''ஐரோப்பா'' என்று மட்டும் கூறி சிரித்து மழுப்பிவிட்டார்.
கேள்வி: எப்பொழுது குழந்தை பெற்றுக்கொள்ளப் போகிறீர்கள்?
பதில்: இப்பதான் கல் யாணம் ஆகி இரண்டு மாதம் ஆகிறது. எங்கே போனாலும் இதையே கேட்கிறார்கள். கண்டிப் பாக குழந்தை பெற்றுக் கொள்வேன். ஆனால் எப்போது என்று சொல்லமாட்டேன்.

சமீபத்தில் சில பத்திரிகைகள் சுதந்திரம் என்ற பெயரில் எப்படி எல்லாம் தனி மனித உரிமை மீறலை நடத்துகின்றன என்பதற்கான உதாரணம் தான் மேலே சொன்னது. ஒரு நடிகை என்ற காரணத்தினாலேயே அவர் தனது தேன்நிலவு குறித்து விரிவாக சொல்லவேண்டும் என்றும் "எப்பொழுது குழந்தை பெற்று கொள்வேன் என்று சொல்லவேண்டும் என்றும் எதிர்பார்ப்பது யார் வாசகர்களாகிய நாமா ...? இல்லை நிருபரின் குரூரமா..? இல்லை பத்திரிகை விற்பதற்காக அந்த பத்திரிக்கை நடத்தும் நிர்வாகத்தின் தூண்டுதலா..? இல்லை அந்த நடிகையாவது தயவு செய்து இப்படி எல்லாம் கேள்வி கேட்காதீங்க அப்படின்னு சொல்லாத அலட்சியத்தை எப்படி எடுத்துக்கொள்வது..?. எதுவாகினும் பாதிப்பு எல்லாருக்கும் தான், என்பதை எல்லாரும் உணரவேண்டும்.இப்படி இருந்தா அப்புறம் ஒரு பொது இடத்தில் ஒரு நடிகையின் இடையை கிள்ளுவதை தடுப்பது எப்படி..? இப்படியே போனால் யார்தான் அக்கறையோடு நடந்து கொள்வதுஇது அறிவுரை அல்ல பயவுரை.

Read more...