பழசிராஜா பாடல்களில் புது ராஜா


இளையராஜாவின் தீவிர ரசிகனாக இருந்தபோதிலும், இளையராஜா மலையாளத்தில் இசை அமைக்கும் படங்களின் பாடல்களை அதிகம் கேட்பதில்லை. சென்னையில் இருக்கும் போது மறக்காமல் எல்லா மொழி இளையராஜாவின் ஒலி நாடாக்களையும் (அப்பொழுது குறுந்தகடு தமிழ் படங்களுக்கு வெளியிடுவதில்லை), வாங்கி விடுவதை வழக்கமாக கொண்டிருந்தேன். அப்பொழுது மோகன்லால் (1997-என்று நினைக்கிறேன்) நடித்து வெளிவந்த "குரு" மலையாள திரைப்படத்தின் பாடல்களை கேட்டு பிரம்மித்து போயிருக்கிறேன். நீங்களும் வாய்ப்பு கிடைத்தால் கேட்டு பாருங்கள் அந்த மாதரியான இசை கருவிகளை இளையராஜா (எனககு தெரிந்த வரை) எந்த தமிழ் படத்திலும் உபயோகப்படுத்தியதில்லை. ஒரு பாடல் கூட சுமாரா இருக்காது எல்லாமே சூப்பரா இருக்கும். அது மாதிரியான இல்லை அதை விட ஒரு படி மேலே இருக்கும் வகையில் இந்த மாதம் வெளியாக இருக்கும் "பழசிராஜா" என்ற திரை படத்தின் பாடல்களிலும் இளையராஜா காட்டியிருக்கிறார். இது ஒரு சுதந்திர போராட்ட வீரனை பற்றிய படம், எனவே அந்த கால கருவிகளை கொண்டு மிகவும் ரம்மியமான இசையை கொடுத்துள்ளார். ஒரு பாடல் கூட சுமார் என்றே சொல்ல முடியாது, மேலும் என்னை போன்ற மலையாளம் தெரியாத வர்கள் கூட ரசிக்கும் வண்ணம் இசையை தந்துள்ளார், இசை பிதாமகன். இசைக்கு மொழியில்லை அதுவும் ராஜாவின் இசைக்கு கேட்கவே வேண்டாம் . இந்த படம் மலையாளத்தில் வெளியாகும் அதே நாளில் தமிழிலும் வெளியாவதால், இந்த பாடல்களின் தமிழ் மொழியாக்கம் கூடிய விரைவில் வெளிவரும் என்று நம்புகிறேன். பழசிராஜா பாடல்களில் ஒரு புது ராஜாவை பார்க்க முடிகிறது. இந்த பாடல்கள் உங்கள் செவிகளை தொடும் போது நீங்களும் அவ்வாறே உணர்வீர்கள் என்ற நம்பிக்கை உள்ளது.


2 comments:

Anonymous,  October 15, 2009 at 6:01 AM  

Good analysis.. Just heard Pazhassiraja songs and every one song of this movie is a gem..

Mottai dhool kilappittaru

Post a Comment

தொடர்பவர்கள்

There was an error in this gadget

  © Blogger template The Professional Template II by Ourblogtemplates.com 2009

Back to TOP